Baie welkom aan beide ons bestaande en nuwe lede in 2011. Hierdie jaar beloof om net so opwindend soos die vorige jare te wees!

Ons grootste projek vir 2011 is die opknap van die spansentrum. Dit behels verskeie aangeleenthede:
1) Die bestaande badkamers gaan verwyder word - nuwe badkamers met groter en meer fasiliteite word as 'n annex aangebou
2) Die elektrisiteit word geheel en al oorgedoen
3) Algemene onderhoud het alreeds begin
4) Die verfraaiing word beplan (verf, teels ens.)

Laat weet asseblief vir Hans Gildenhuys as jy graag wil help!

Die Venterskroon kamp vier fees! Die kamp is 42 jaar jonk- ‘n dubbele mondigwordings partytjie! Kliek op "Kampe" vir meer inligting!

Die Wapadrand Kentekendag is ook om die draai. Die kamp gaan die volgende Spesialisasies aanbied:
Graad 1: Junior Kok
Graad 2: Taalpret
Graad 3: Toeka
Graad 4: Groot Trek
Graad 5: Boeresport
Graad 6: Seremonies (slegs 80 inskrywings)
Graad 7: Afrikanerkind
Verkenners: Nutsman OF Kaartwerk OF Fotografie OF Sterrekunde
Volwassenes: Noodhulp
Datum: 20-22 Augustus 2010
Kliek in "Dokumente" om die kampbrief en verdere inligting af te laai.

Daar is min dinge wat so lekker is soos om baie diere van naderby te beskou. Wat nog meer besonder is, is om dit in die nag te doen! Die dieretuin bied aan ons ‘n unieke geleentheid om in die nag na die nagtelike wandelaars te gaan kyk.

Die koste van die besoek beloop R50. Die besoek gaan begelei word deur ‘n gids, en in afrikaans aangebied word. Beide kinders en hulle ouers is welkom om die aangeleentheid met ons mee te maak. Trek asseblief warm genoeg aan.

Ons sal vir die kinders boereworsrolletjies braai – as enige van die ouers wil saamkom, bring vir jou braaivleis en eetgerei saam. Die inligting is as volg:
Waar: Pretoria Dieretuin – hoofhek
Wanneer: Vrydag, 30 April 2010
Tyd: 16h30 – braai vanaf 17h00 en begin met toer om 18h45.
Kinders kan om 21h00 afgehaal word.

Al wat jy nou moet doen is om te bevestig of jy saamkom of nie. Dit is baie belangrik dat jy aan Riana Stone by 082 882-3366 ‘n SMS stuur om te laat weet wie van jou gesin saamgaan, alternatiewelik kan jy die onderste strokie invul en by Anton van Wouw se kantoor ingee.
Enige betalings kan per direkte oorplasing na Dirkie Uys se bankrekening gemaak word: ABSA Spaarrekening 9080977955 met ‘n e-pos na finansies@dirkie-uys.co.za om die kommando te verwittig van die betaling. Sit asseblief jou naam en van as verwysing in.